May W rest in peace.…

中國人話…大病小心過唔到大節…

又講中…

W過了中曆，都過唔到西曆。今年西曆在中曆之後一日。

今日係W的西曆生日。知己和朋友們訂了生日蛋糕，預備下午切蛋糕…也不用了。

…

昨晚W的兩個小女孩來了我家過夜，玩玩小狗和看看書。我們預備今早畫張生日卡給W，中午就去祝W生日快樂。

怎知，上午9:30，她們還在吃早餐時就收到電話，話W唔得喇！要我們快到。

我們立即收拾細軟，一大兩細的落街飛車過海去醫院。

路上我解釋給兩個小朋友聽點解佢爸爸的病咁嚴重，話俾佢聽佢爸爸和媽媽都好努力的了，不過都搞唔掂…

點知講講下，收到阿嫂來電…W passed away了！

Oh my god! 我在車上要話俾佢兩個聽…爸爸passed away喇…

W的大女兒（10歲）好shocked！之後睇住佢地雙眼矇上一層淚水，之後就大大顆眼淚掉下來，就哭起上來喇。

我又要安慰佢話：「你爸爸走左喇…佢係佢本詩集講過要“悄悄的走”的啊…佢話過，見到你地會好掛念，所以選擇悄悄的走…你地去到，見到爸爸的body，佢spirit未走嫁，可以同佢say goodbye。你之前都見到爸爸支持得好辛苦，都係時候喇…」

（我覺得最失敗係今早話一齊做生日卡囉…咁我地都估唔到…無辦法啦…）

（我之後回想，都唔知應唔應該在車上告訴他們兩個爸爸已passed away…我都唔知…我盡晒力喇…都無辦法…我都唔識人有厘D經驗…）

（點解…點解又係我！！！8號要承受W的哭泣…28日就輪到要應付W的兩個女兒的哭泣…我絕對覺得W是刻意的…又要早唔走，遲唔走，專選她們兩姐妹在我家過夜的一天走…逼我陪佢玩…我真係欠左佢咩…我其實對於佢離開都無乜感覺。All along跟住佢個病…覺得咁走係個blessing，都叫無乜大痛過。不過，見到兩個小女孩的哭泣，點都有D心up…）

去到，交番兩個小朋友俾佢地一家人…

跟W告別…

別了，朋友…

我對你承諾會做的都做了…

很慶幸昨天跟你說過話，也是開心的說話…

May you rest in peace.