繼續要改筆鋒！
W的媽媽…係個極品…足以成為無線電視劇的刻薄奶奶的典範…
據我三個星期的緊密觀察，我真係唔想單獨對住佢。
聽過阿伯母日數夜數人地，再加W的妹妹、W阿知己和阿嫂的comment，我絕對認為伯母係極品一名！
自己一個帶三個細路大就係好偉大，阿嫂要照顧兩個更細的細路就應份…（好似話W的父親在他們十幾歲時死的。）
經典對白：（厘句我親耳聽，無屈佢…）Day 1入瑪麗時，伯母在我原全未見過阿嫂時就力數阿嫂說：「W死左呢，D錢，益左佢老婆！佢亂咁黎的…最好等兩個細路18歲先直接俾兩個細！」下？？唔係嘛，唔屬性的我就話喇：「伯母，點得啊…佢兩個女…到18歲，咁由依家10歲到18歲，食風咩？？？？」極品伯母就話喇：「咁個女佢老母都有份嫁！佢咪負責囉！」咁我繼續唔屬性的說：「係囉…咁阿W都有份喎…唔通死左就唔洗養啊？」咁佢就…講阿嫂點樣成日鬧個女啊等無關系的事…各位做人心抱的女人…驚嗎？？？？有冇覺得厘個係極品？
（厘句又係我親耳聽，無屈佢…）「我個大仔之前個女友…屋企人好貪錢…再之前，邊個邊個又貪錢，都要俾唔知幾多幾多錢個外家，所以先兩次都結唔成之嘛！個細仔依家個老婆，又咁咁咁，成日候住D錢…唉…如果大仔求其搵個心抱回來，又係咁，就無好過有喇…我依家咪幫個仔洗下衫同煮個飯囉…」我想話：「伯母，係你個仔要搵個老婆，唔係你搵個心抱…唔該你化啦…大部份正常的阿媽都想個仔快D搵個老婆…唔會好似你咁…自私。老婆除左煮飯同洗衫，重可以一齊…開心下同埋呵呵呵搞下野…你係咪做埋先？？」
（厘次又係我親耳聽，無屈佢…）數完阿嫂，又數W：「厘個仔，我齋蝕，今次重要洗錢…只有養佢，無回報的啊…」阿伯母…你個仔就死喇…重計？你今次都未洗洗錢喎…
（厘次又係我親耳聽，無屈佢…）阿嫂已回來，照顧W，伯母有一天，在我、W和阿嫂在場的時候，公然的打電話給阿知己，說：「無野，打下電話問候下你，食左飯未？你請了假沒有呢？」下？我終於知咩叫厚顏了…你乜身份去問人請左假未？係都你個仔問啦…好happy有個女人唔洗錢來服待你個仔咩？喂！你個仔未離婚嫁…佢老婆正正在你前面啊…無恥…又唔係有錢俾番人…
（厘次更離譜…我決定唔卸佢喇…）我原定和阿嫂決定星期日小朋友跟我回家，方便佢厘幾晚照顧W。咁小朋友喜歡小狗，fit 晒，兼且我家有位有床有工人。小朋友又歡喜。點知W的阿哥的plan日日轉又唔早inform大家，咁到我去接人時又話唔得，問阿伯母佢個仔幾時來到又唔知。咁手咪話我地照去玩，之後帶番來囉…咁件極品就話喇：「佢阿媽同你約嫁？我唔知喇…你叫佢自己同阿哥講。我唔決定喇（擺出一副臭臉…）！不過總之唔好做D會後侮的野囉…（更臭的臉…）」我又唔屬性，「下，出去行下咋…有幾後侮…大家都唔係24小時待在這裡啦…不過，唔關我事，我重可以大把野做！」頂！件極品…自己咪又係成日唔去睇W！一陣咪又係行開！見阿嫂和知己，就閃嫁喇！無騙大家！連我家相公見過佢都話極品跟本就自己唔想照顧個仔，最好有個盲毛做。極品同我講厘番話的時候，其實同W的另一個朋友S講野，一睇就知又係數人啦…。朋友S頻頻給我打眼色想甩身。之後醫院門口踫上她，朋友S話：「都唔知原來佢阿媽…咁…麻煩…聽到我唔想聽…W的性格咁，絕對係遺傳…唉…」
好正嫁…真係…睇住佢，成日口口聲聲讚阿知己點好點細心，阿嫂又點衰點衰…但我一D都唔buy…連阿知己都唔buy…佢話：「老實講，佢老婆人至義盡喇…都話離婚了，見你病重照顧你，想點…佢一家都唔化…佢阿媽，咪所有人做左心抱就衰。我依家唔係佢心抱都照顧佢個仔，佢覺有so，咪話我好！如果我真係同W一齊，又俾佢數臭嫁喇…」
總之伯母的極品表現，重有排可以寫…有冇聽過有奶奶會想收埋心抱結婚時外家送的金器呢？好好笑…
阿大伯都係好好玩嫁…約左人話帶小朋友去玩，但遲到兩個鐘無來電話，人地走左，佢話：「我遲到唔代表我cancel個appointment！」係！你俾緊幾百萬的生意大家做…
嘻嘻嘻…所以，當醫生A叫我小心照顧伯母的心情時，我其實想講…D咁mean的人，對人咁mean，乜都可以賴人，乜都係人錯…厘D人的生命力一定好強的。佢一定可以搵個scapegoat做替死鬼鬧衰佢，日日唱衰佢，所以伯母一定唔會有事的！
我知…我係心腸好差…無辦法啦…喂！厘個月的Close Encounter with the Third Kind…日日對住佢阿媽，對得D心地唔好的人多左…係會變衰嫁喇…
8964
Subscribe to:
Post Comments (Atom)
No comments:
Post a Comment