一定要寫下厘套劇！ 我要寫一篇刻薄的劇評！
我係滿懷歡喜咁開始睇…頭一至五集都幾好笑幾好睇…點知睇到第六集，之後，我就不斷拖行個mouse…極速咁fast forward剩下的十集！係！係十集！！如果係VCD，我敢擔保我係會以32X以上的速度fast forward！死未！？
是但啦…講下劇情…
成功的職業女性馬柔熙對愛情總是茫茫然，她渴望戀愛，夢想著與她的初戀對像前輩俊河談一場戀愛。然而她的日常就是一個只會穿上黑色套裝的悶蛋女強人！她的相睇約會一直是失敗的！
蔡戊龍則與柔熙相反，性情溫和的他是位愛情至上主義者。不過在戊龍的心目中，這個世界上的女人只有他的女友勝美。戊龍的夢想是成為一流的西餐料理大師，為此，他不惜從醫科大學退學。
機緣巧合，柔熙和戊龍踫上了，並簽訂了協助柔熙戀愛的合同。柔熙將要接受戊龍的指導，成為一個得男人歡心，能相睇成功的女性。（頭一至六集講厘D，所以幾好笑幾好睇…）
六集後就…唉…當然係柔熙和戊龍教教下就搭上了啦…唔愛又愛咁囉…拉拉扯扯囉；戊龍和正印女友又當然因為咁又要拖拖拉拉…咦咦哦哦啦；柔熙的初戀對像前輩俊河又回來爭多一份，柔熙又心有蓮漪；戊龍的靚仔師父Johnny又想一齊大混戰追柔熙！哇…足足五角大戰！
咪以為多角就會精采…劇情其實只會變得離曬譜。如果個編劇唔係「智障」就係「腦殘」了！（其實都係一樣…）
明明講前輩好有機心嘛…點知出D追女橋係老土至極的勇救佳人加上扮受傷搏同情第…唉…咁又話魔女柔熙好醒…點會睇唔出喎…唉…
編劇除了智障還要患上了老人痴呆…他是原全忘記了之前的劇情…明明講到前輩搞左好多野要爭女，點知突然間又話放棄唔爭喎…要金楨勳做壞人無問題…做就唔該寫得好D…一時又話佢係為左野心出盡惡橋去追番柔熙…一時又講到好似係真心愛柔熙咁，前輩變成一個原全精神分裂的角色。
戊龍的「擘腿」就更悶…和勝美解釋自己唔係「擘腿」都講左七、八集…勝美唔悶我都悶啦…
柔熙又話自己愛前輩…之後唔覺意鍾意左戊龍…都無所謂…預左啦！之但係，等等下戊龍表白…佢無端端又話想聽Johnny表白喎…又老人痴呆了嗎？你究竟想聽邊個表白？
唉…是但啦…睇番男人…因為金楨勳做左一個精神分裂的「奸角」，無咁charming啦…戊龍又「擘腿」到離晒譜…所以得到女性觀眾的注目就變了Johnny了！
飾演Johnny的叫Dennis Joseph O’neil，是個美韓混血兒，都幾”dep” 得杯落嫁…呵呵呵…
