由漫畫改編的《宮-野蠻王妃》, 是值得推介的韓劇。已是06年的片子。我已經好遲頓，在無記的J2台播出先睇番，之後再搵番黎追。
《宮》是假設在現在的大韓民國變成君主立憲制的背景下的故事。（即以現代的背景加上長今式古代君主制的crossover，特別吧…）
故事是說，皇子律原本為皇室繼承人，可惜父親早死。跟據皇室規則，便得由當時的皇叔繼了位，而皇室的繼承人亦由皇子律變成皇子信了。而皇子律亦要跟據皇室法規而搬離開宮庭出走國外。
多年後，成為皇太子的信因為皇帝病患危機而接到皇太后的命令，要跟選定下來的對象結婚。信很明白在皇太子的人生中根本不存在個人的選擇，但是他的年齡才十九歲。 雖然皇太子信向女朋友閔孝霖求婚，但是孝霖以為開玩笑，因此笑著為了練習參加國際芭蕾舞比賽而距絕。信沒有挽留她。
彩京是皇太子信的先祖指復為婚的女子。彩京起初不願意，但家裡財困，所以終於就犯與太子信成婚了。信與彩京一起生活，由初初的貼錯門神，慢慢因了解而互生情愫，中間當然成日要加D誤會啦…唔係點作咁多集呢。
皇子律的充滿野心的母親策劃要幫律奪回皇位，所以律回國了，並和彩京成為同班同學成為好友。同時，律因為可憐彩京作為皇太子妃的難處，亦知太子律有個舊女友，所以慢慢喜歡上彩京。
又同時，孝霖因為不忿，決定要爭奪番太子信…
宮庭係個包裝，主線其實都係四角戀上。覺得《宮》吸引，係因為個皇室法規的plot，即係同個“當時的皇太子指腹為婚（唔理邊個做…)”所引起之後的問題。
即係，彩京佢原先應該是許配給皇子律，後來才變做信皇子信。就係厘樣野，就可以合理化皇子律對“吖吔大嫂”彩京的愛…哪…即係，“明明係我的嘛…點知陰差陽錯先變左你之嘛，咁見你對佢唔好，我咪想英雄救美囉”…。而皇子律後段高調的追求彩京亦唔會顯得兀突了。
同時，個劇在好多細節上build up太子律對彩京的愛亦好細緻，例如佢點解會覺得彩京會愛佢，感情的轉變都有描寫，令到佢厘個企圖或意圖「鉤義嫂」的行為變成一個深情的表現而唔係一個無恥的壞份子。所以我覺得厘方面鉤劃得好好。
至於皇太子信和彩京的由了解而互生情愫就比較無乜特別了都係比較老生常談。而孝霖的“唔要又要”，就只係為左搞下氣分，等信和彩京多D火花，而又可以justify下律對阿嫂的關心囉…
所以，個四角戀基本上都安排得幾好。
氣分上，劇的初段多D平民喺皇宮撞板的笑位，所以輕鬆D。後段多左皇室鬥爭，氣分就重D。
選角上，原來四個主角都未拍過劇呢！不過效果還不錯喎。可能導演都用左好多時間教戲吧。網上看到一D片段，係其中一幕太子和太子妃相擁而睡的溫馨一幕的試拍場面。看似簡單，原來試很多篇才得出最適合的一take呢！所以無不勞而獲嫁…
值得注意飾演李律的金楨(係…我都話我先睇男人囉…），本身都係歌手，好好樣，唱歌又幾好，好似話IQ有146添！唔講得少！（係…我都話我先睇男人囉…）
配樂方面非常好，我也買了OST。之前放了上blog的鸚鵡就係其中一首了。搞到節奏慢晒，有D拖拖拉拉的感覺囉。其實唔好咁貪心，20集就好好多啦！
所以宮的評價係：《24，20 / 4》*
*《全劇總集數，順利睇完集數 / 飛住睇或跳住睇或無睇集數》
No comments:
Post a Comment