HKIFF 09 《Mental 完全精神手冊 》

講精神病的紀錄片…

由大會堂過去，遲了…又很累，又有D肚餓…有D心不在焉…

感覺像看無線的檔案節目。無歧視的。無記的檔案節目有時也很讚的。

本身對mental health係有D興趣，所以睇…

不過這個片子對我無乜新insight。

HKIFF 09《愛情回水一日遊 My Dear Enemy》

這是一套追數電影。

講全度妍向前度男友河正宇追討三百五十萬韓元欠款。河正宇應允即日清還，但要全度妍跟著他四處借錢還債…於是，他倆一起踏上討債旅途。

全度妍今次換了一個平凡的打扮，故事無交代她的背境，不過會感受到她生活得不太好，有點點「烏雲蓋頂」feel。說到演技嘛，好生活化，但今次角色是較為內斂及合蓄，不像她演「密陽」或「挑情寶鑒」般有很多起伏，所以感覺上平淡一點。

河正宇，我不太熟，不過他就演活了一個真有著心的無賴…麻煩，卻又熱誠…

見著他不停的去找他的各個類型的女朋友去討錢，好好笑…

故事也是一個兩人的rediscovery吧。結尾是女主角倒後鏡瞥見拿在手裡仔細把玩酒瓶的前男友（當然還是在和女性調笑啦…）, 但他們的距離像是因為一天的互相了解行程拉近了。

電影的配樂好好，是感覺正好的爵士樂配樂。很想立即去買這張電影OST。

movie trailer：

是歧視吧…南亞裔男子襲警被槍殺

對於這單野…我想知…

如果案件involved的是一個洋藉少年，當係個「法蘭西人」，「hi」了草/酒，忽了，在山邊小解…騷擾了民居…單bit警察去調查，就俾個洋少先打…

警員是否還是會：

1.用廣東話同個涉案人交涉？

2.唔call增緩，而會開槍？

跟住…

警方發言人，是否還會…

1. 案發後，未調查事件，6點新聞就高調話開槍係合理的呢？

…

都係那一句…

警員竟期望一名非本地人懂得聽廣東話警告字句，並向這名心理狀態不穩的男子開槍…（都算喇…如果無死人…）

不過…今次死左人啊…搵唔到人地有利器，雖然佢係有「十大武器之首」…但唔可以就咁話佢抵死囉…


我個focus都唔係咁指向那個個警察，好明顯…佢好驚囉…when compare to 香港男人，外藉人又真係大份好多…所以搞到咁都無法…

不過，個重點係警方囉…

未調查事件，就即時高調話開槍係合理的。有無搞錯？6點新聞喎…連個南亞裔人係乜水都仲傻下傻下，話人係II，之後先發現唔係…乜都唔知就話合理…唉…

所以，你話唔係因為人地係南亞裔，估佢無power就歧視？我唔信囉…

其實，如果6點新聞無聽到條警察阿頭出聲的話，我都無咁大反應…

另外，在死因庭未聆訊前，便不斷有消息指死者能聽及講廣東話，生前曾有刑事案底及有暴力傾向等，企圖將死者「妖魔化」，令警員開槍合理化…是否有組織的…

還有，最令我廢解的是，有D港人的辯解是，「唔識溝通唔知留在港做乜…」…唉…國際都會喎…「草泥馬」去死啦！

HKIFF 09 《魔幻女兒國 Tears for Sale》

這套戲又是超讚啊！同一天看鷹了兩套好電影，真高興啊！這個《魔幻女兒國》的製作費高達€4 million, 因為有好多CGI的要求，所以制作了三年！是塞爾維亞史上最貴的電影！

故事是set在1920年，戰後的Serbia。因為戰後，國家中大部份的男性都打仗打死晒，尤其是一些鄉鎮，直頭少男人到會人口滅絕！劇中的兩姐妹，Ognjenka和Boginja在一條只剩一個半死不活的老男人的鄉村生活…到了20多歲，都無男人掂過！因為佢地by mistake，在輪到佢個turn去觸撫這個「珍貴」的老男人的時候，佢地竟然嚇死左佢！所以那班忿怒的飢渴的女性村民們就對佢地施以巫術，要佢地出城hunt番一個男人回村填數！故事就係咁喇…

有巫術、有古怪劇情，有fancy的set，有豔麗的攝影和美指，哇，多姿多彩！重想點！另外，主題又意義深，好多比喻…

睇完戲後，問蘇醫生…Serbia的內戰係咪真係死左咁多男人到男女數目相差咁遠？蘇醫生話，無咁樣的事就唔會想到咁樣的古仔…唉…想落都覺得唔開心…

套戲的配樂好正，之後睇番D料發現原來係梅林茂做的。(梅林茂的經典肯定是《其後》，1985年的電影原聲專輯，CD早成絕版炒賣珍藏，動輒過千一張二手貨！王家衛都成日幫襯佢！)。Anyway，蘇醫生睇過電影後第一句就係話：「個Soundtrack好正！」第二就係話「點解咁短？得80幾分鐘…長D都得喎！」

所以，如果加場後重有飛，未睇絕對值得去睇！

HKIFF 09《青之鳥(青い鳥)》

好正喎。說教，講校園欺凌，但無說教的沉悶。

有新觀點，唔只係細路睇會有feel，大人睇都可以有inspiration。會對「反省」有不一樣的睇法。大家常講要忙記過去，依家話要記住過去…

故事是改篇自直本獎作家重松清的短篇小說。（唔知有無原著釋譯睇呢？一陣去書局睇下…）

野口同學被同班同學欺凌但自殺不遂，繼而轉校去了。原本好像所有同學都反省過夠了，全間學校都回歸正路…

但新代課老師(阿部寬飾)的到來又再將成件事搬番上面！這個有嚴重口吃代課老師竟將大家已搬走的野口同學的書桌和椅子搬回原來的位置，每天開課時必先向著空桌子說早安。

班上曾經參興欺凌的同學都很不爽…包括兩個在野口同學的遺書上被點名的同學；家長們也不歡喜，因為希望大家淡忘這個不快的經歷。校方也不高興，希望大家能淡忘事件來維護校譽。

班內有園部同學（本鄉奏多飾），一個野口同學「曾經」的好朋友，亦因為曾不經意/不自覺的參與過欺凌而內咎…

故事就是講阿部寬點樣要同學面對已做過的錯事。戲的高潮位係阿部寬和本鄉的一幕對答。

阿部對於「欺凌」有個好好的定義。除了欺凌的行為本身，intentionally ignore別人被欺凌也是「欺凌」。(大家要好好反省啊…依家D家長咪都教小朋友「唔好咁多事」嗎？現今的社會，「勇氣」再不是個virtue了…)

野口同學雖然每次被逼著去做一D野時都笑笑口，但笑著時，口卻是說「再這樣我是幹不下的啊…」，「再這樣不是要我死嗎？」…

阿部寬說，有些人，就好像他那樣…當認真的說話，會口吃，就像野口同學，他只有在像是說笑的時候才可以認真的表達自己。我們也要認真的對待，不要ignore人地…就是教學生要以認真“earnest(英文字幕譯)”的態度去聆聽別人說話。如果別人認真的努力的說話，你亦要努力認真的聽…（我想，這是設定一個口吃老師的原因吧。阿部不斷在對白中emphazise “Earnest”這樣野…）

本鄉同學問阿部要同學們每天對著野口同學的桌椅，要remind them of 野口同學是不是為著懲罰和折磨他們。阿部說，他不是要懲罰他們，而只是要大家不要忘記野口同學和自己對野口同學所曾經做過的事。「事件越痛苦越要記起，這是你的責任。要為自己所做過的事負責。忘記過去，只是望向前是「自私」/“Cowardice（英譯）”的做法。野口同學一定不能忘記被傷害的過程，just as 同學們，不可以忘記傷害過人後自省的感覺。」這是他的做人的責任的表現。阿部寬要本鄉同學好好的記著這個反省的感受。

Kind of like佢厘個睇法…責任啊…好似無人咁樣睇過個問題…

戲中，學校要全班學生寫反省文，要五頁紙，還要所有老師驗查過無問題才罷休，寫的不合規格要重寫…結果所有學生交出的文章只是沒有感情的文字的堆砌，慢慢真心的感受都沒有了。

阿部寬到他代課的最後一天，他只要同學，如果過了這個學期，對於上次的反省文，有新的體會可以再寫一篇…不是要向學校、老師交待，是向自己交代…

結果，同學們真的有人自動自覺去重寫反省文。而園部同學的反省文就改以寫給「野口同學」的一封不寄的信…

很好啊…這套電影，個message好好，以一個唔同的角度去睇欺凌和自省。阿部寬的角色，硬硬的，好怪…有D空白位，無交代過他的背境，不過無傷大雅。

日本的校園片好睇，因為有適齡的學生。唔似香港…一把年紀，三十歲黎緊，重扮學生！？大慨要repeat了十年先可以還是個學生…

這個電影主題曲好聽…まきちゃんぐ 《鋼の心》



其實厘套電影好適合俾學生同教師睇…

#戲中英文字幕和中文字幕意思有D不同…是「自私」，還是「Cowardice」呢？雖然，兩個不同意思，但都fit個意思…

「不認真/Earnest的聆聽別人認真/Earnest的對你說話，真是「自私/cowardice」」
「只是要自己忘記過去所做過不好的事…真是「自私/cowardice」」

HKIFF 09 《我們的爆煲婚禮Country Wedding 》

好小品的笑片…

小品到…有D似睇電視…

唔睇無損失囉…

HKIFF 09《把哀傷留給復仇Revanche》

這是今屆奧斯卡最佳外語片提名…

慕名去睇…R晒頭…

故事…ok啦…跟據蘇醫生講…：

一個on 9的男人唔知點解帶埋條女去打劫鄉村銀行，點知事敗了。條女更意外被不育警察打死左…剛巧不育警察的老婆和on 9男的爺爺好熟，所以on 9男就同不育警察的老婆搭上了…

on 9男想報仇…不育警察的老婆卻忽發奇想，想借on 9男來生BB…就係咁喇…

故事，OK啦…

只是典形歐洲片好靜…靜到無音樂嫁…

OK啦…蘇醫生昨日call完都無打瞌睡，睇足全場。倒轉上次佢睇W就睡了…

佢今日重問我…睇報紙，英皇的William話佢有份拍《W》，係咪佢訓左睇唔到…

噢！有咩？？我無訓都睇唔到喎…

新玩具…msi u100plus

新玩具！舊notebook搬去新診所用，所以蘇醫生幫我買了這個netbook平時做功課用…貪netbook點都輕D，方便我上落兩個office，四圍做功課用…我用words啊…上下網咁…唔洗用太complicated的…

結果佢決定買厘部。



desk top當然快快換了那三個小鬼啦！

牌子、model，我無意見嫁…個樣OK唔醜就可以…唔要黑色囉…

蘇醫生和朋友A討論再加上check晒資料決定msi…話最抵用…$3450 only，2G ram, N280CPU, 160G hard disc。配備 6 Cells 電池後重量仍為約持在~ 1.3kg 。個樣OK有黑以外顏色…本來想買NC10貪個勁粉紅…但想下…自己用也太嚇人了吧…所以改考慮白色。另外一個criteria係要要6 cell電，蘇醫生話方便D…

朋友A當年在NEC，我家所有電腦都N記…現在終於轉工司了…我也可以轉牌子了…朋友A當然力推Fujitsu啦，我都幫襯左佢買多一部新notebook診所用…

但係Netbook嘛…F公司得3 cell，佢緊持俾佢兩日幫我諗諗…睇下我可以點支持埋佢…

蘇醫生話…點諗喎…無就無啦…不過佢咁堅持…都要等下佢答案…

結果係…佢叫我買多舊電！！死未…

蘇醫生話唔得喎…所以，只好bye bye佢…

買左厘部…我地改裝…唔係…係加工…嘻嘻…

改左個logo…靚嗎？

HKIFF 09《茱麗葉愛可蘭The Book of Law》伊朗

昨晚睇左厘套。都OK有趣味。

朋友話如果厘套戲算係伊朗的笑片，伊朗人生活都真是乏味啊…

故事以一個伊朗男人娶了一個酷愛波斯文化的法國女人為妻，佢婚後改信回教並以可蘭經為生活依歸…並challenge人地一家的宗教生活…都幾好笑。

戲中的一個pure Muslim係唔可以唱歌，唔可以貪戀物慾，唔可以gossip…喎…咪好悶囉…

又係那一句…Iran…唔係打仗那一邊…其實都幾靚…沙灘都好靚…不過女人點游水？？

HKIFF 09 《殊不簡單 (W.)》

厘套會上正場喇…昨晚睇的一場剛好係導演Oliver Stone出席與觀眾會面…唉…搞到遲左成20分鐘先開場…meet 個導演無問題，但遲就唔好搞啦…已經晚場了…有D人，如我，要犧牲上一套戲的5min趕過黎…如果知明星仔們（英皇有份投資嘛…章小蕙又有一句對白咁上下…）要搞咁耐…我唔洗趕啦！

場上有人鼓燥，咁快D開場…拍晒手咁…章小蕙可能以為歡迎緊佢…

Anyway，希望有關當局尊重下買了票入場的人吧…厘三個星期，大家夠趕時間的了…遲少少無所謂，20分鐘就太過了吧…

OK…講番套戲，唔鍾意bush的就要睇喇。Stone講到Bush係因為自少被大Bush看輕的兒子，所以佢要搞咁多野黎prove自己囉…結果搞到大家囉…唔…我覺得Stone…都好厚道嫁喇…佢以心理學的角度去解釋Bush的處事…唔…佢話做左好多research…唔知佢同老Bush的關系係咪真的呢？

唔知佢地睇完有乜感受呢？

導演: 奧利華史東
主演: 佐斯布連,占士康維爾,愛倫貝絲汀,伊莉莎白班絲,托比鍾斯,李察丹佛斯,芬迪紐頓,艾恩古福特,謝菲胡禮,史葛格連,謝斯畢福特
片長: 129分鐘

HKIFF 09 酷《大佬與串打星 Rough Cut》

選這套戲是因為這是韓國上年度話題作。大陸譯名是《電影就是電影》。



睇完就知點解會大賣。有戲、有靚仔，有打鬥，最合韓國胃口。有靚仔，所以我都OK。個故事又叫特別…

想要變成電影動作明星的黑道人物VS扮演黑道人物的電影動作明星的較量…但到最後，電影和現實，是不一樣的啊…ending都有D黯然囉…

「一邊發演員夢，一邊在殘忍的血腥中生活的姜培（蘇志燮飾）在社團裏的前途被看好，而他內地裏卻“心不在焉”想擺脫這種黑暗的日子；動作明星蘇達（姜志煥飾）在一部新片裏扮演和社會的角色，厭倦虛構的情節想成為真正身手厲害的人物，他因動手打了片中的對手而面臨著影片拍攝中斷、自己的名譽受損的危機，一天，無心過各自生活的兩人相遇了。蘇達向姜培提出了出演這部電影的請求，後者愉快地答應了，但前提是在片中要有真正的打鬥發揮的機會。兩個來自不同世界的人，慢慢地被對方同化了，姜培越來越享受當演員的滋味，而目睹了他在拍攝電影時出色發揮的蘇達由于對演員生活的厭煩而生了新的念頭……」



黑衣的就是蘇志燮的有型大佬…真酷爆！OK…我都話過我係睇型仔嫁囉…

土豆網有線上觀看了…查《電影就是電影》…我想，BT和foxy都應該會有…是上年韓國熱爆的嘛…

白痴的年代！小家的香港…

男拔聘裸女供素描 有學生尷尬
(星島)3月20日 星期五 06:30
(綜合報道)

(星島日報 報道)一向學風自由的直資名校拔萃男書院 ，近日有美術科教師數次邀請一名裸女到校，在視覺藝術課充當模特兒供學生做人體素描，事件惹起爭議，有學生因而投訴感到反感；學界也有反對聲音指，中學生處於青春期尚未成熟，無必要用裸體模特兒。該校校長張灼祥形容他們大驚小怪，並指十多年前他在體藝學校任職時已有此安排。

　　本報獲悉，一名男拔男教師昨邀請一名裸女，在中四的視覺藝術課上擔任模特兒，期間該名模特兒全裸坐在椅上，供十八名學生進行人體素描，課室的窗口均圍上布簾。不過，有學生覺得以裸女模特兒作人體素描對象甚有問題，並感到尷尬及不安。據了解，全港最少有三所學校曾聘用裸體模特兒作人體素描。

　　張灼祥接受本報查詢時表示，他已向該名教師了解情況，得知他昨日已是第三次邀請裸體模特兒。他認為，今次事件純粹小事，十多年前他在沙田 區賽馬會 體藝中學任校長時，在美術課上已有此安排。他說：「現在是甚麼年代？何須大驚小怪？這是很正常的藝術課程，不應該將藝術和色情對等。」他批評，反對的人思想太過落伍，是一大倒退，是時候改變觀念。

　　在男拔任教廿七年的該名視覺藝術科男教師回應指，該校聘請裸體模特兒已有九、十年，一直沒有收到任何投訴。他解釋，由於學習人體素描必須觀察關節、肌肉、器官比例等，故有必要聘請裸體模特兒，事前亦得到校長及科主任批准。他稱有教導學生要尊重模特兒的專業，並劃清藝術和色情的界，對有學生不安感到詭異。

　　不過，美術科教師徐佩芬認為，中學生處於青春期仍未成熟，不適合用裸體模特兒。她表示，即使預科生考高考視覺藝術科的人物素描考試時，也只會聘用穿上泳裝的模特兒。

　　教育評議會副主席何漢權亦不贊成學校聘請裸體模特兒，「香港始終是東方社會比較保守，老師可以藝高人膽大，但學生的承受力有限，要顧慮他們會否感到不安。」他認為，教師應考慮其他替代品，「找個公仔都得！」他建議，教師事前必須諮詢校長、學生及家長的意見，並要有完整計畫包括輔導。

　　一名修讀視覺藝術科的中四女生則表示，聘請裸體模特兒做人體素描沒問題，因為繪畫這類素描要先畫裸體部分才畫衣服。不過，她建議學校可以用相片或圖畫代替，加上中四學生未達用裸體模特兒作人體素描的水平，故認為升讀大學時才有需要作裸體模特兒的人體素描。教育局發言人回應稱，當局相信學校和教師有專業知識，選擇適當教學方法及教材予學生。

………

原本想住厘三個星期都係寫電影的觀後感，點知個世事係唔由得你的！白痴事是無日無之的！

哇藝術就係咁啦…寫生畫人體素描有乜問題？

大家有無留意…係俾「Art student」素描課…唔係無啦啦…個nude四圍行。要做artist就要咁啦…

話係中國人保守…不過唔明點解對人體會不安？？I see I see…中國人睇見大偉像又會好不安…

我大學一年級第一次畫nude，有男nude、女nude，唔知有乜問題喎…nude的model，你會尊重係人地的工作，唔係 a piece of meat！如果咁樣覺得不安，唔comfortable，應該捉那個細的去再陪訓！都中四啦…都大過啦…唔好話佢唔知女身係點喎？？

香港教育…一早已死…睇下厘個壽頭：教育評議會副主席何漢權…畫人體素描，搵個公仔…唉…唔好笑壞人喇…佢知唔知乜野係人體素描？唔知點解要avoid，亦唔明要avoid D 乜野…一D清清白白的活動，就因為D阿茂阿壽搞到，好似好ugly咁…

「穿上泳裝的model」…不知所謂也…好港版囉…差DD就扮係…不知所謂…大家就係因為拍有麻煩先亂咁搵D 二、三流的所謂alternative去代！「穿上泳裝的model」扮nude是非常不負責任！

見D茂李的comment，話人為老不尊搞D咁野…下？？畫nude係為老不尊？咁你厘D成個腦袋都污糟思想的人是甚麼？

算啦…香港學乜人做「世界都會」呀…小家到這個地步…人體素描班會接complain，超低能，勁搞笑是也！

HKIFF09 《About Elly 》伊朗

導演: 阿斯加法哈迪
國家: 伊朗
年份: 2009
色彩: 彩色
片長: 119 分鐘
官方網頁: http://www.dreamlabfilms.com

伊朗 導演阿斯哈法哈蒂（Asghar Farhadi）以「關於艾利」（About Elly，暫譯）一片獲得最佳導演銀熊獎。「關於艾利」講述一名婦女與朋友去海邊度假時失蹤的故事。

是一套OK的電影，兩個小時，也沒有睇錶。我的interpretation係講發生了意外後，大家搵人blame和搵excuse…之後又一個又一個的蠢謊言，到最尾要expose真相（點知都係一個被逼的謊言）的故事。

厘套戲都OK，我選戲係選地點，國家的，有D地方想去，又想了解下人地D人民風情，睇人地D戲係有幫助…唔好搞到自己成為自大的城市島人嘛…

So, Bull Shit佬話伊朗係one of the Axis of Evil…點睇套戲都覺得那處地方美麗，人又開心…一家人會去自駕遊…真唔明有幾Evil…Tony Wheeler（Lonely Planet的老細）寫左本《Bad Lands, a Tourist on the Axis of Evil》，佢都話“he had a great time in Iran!”。佢都話美國，in terms of threat to the rest of the world，都算係個Evil country，SO，今晚去睇《W》，睇下奧利華史東點鬧衰Bull Shit佬！

《禮 儀 師 之 奏 鳴 曲》…一定要睇！

昨晚睇左…好正…好有feel…

電影已先後於日本及海外各頒獎禮上獲得多個主要獎項，是本年度最矚目的日本電影。又得了Oscar的最佳外語片。

這是一個美麗動人故事，借複雜又獨特的日本禮儀，表達世人有所共鳴的喜悅和感動。做事是否專業，便是必須有一種旁人沒有的用心。見著老闆和本木雅弘在工作時專注的眼神動作，讓人尊敬起來。

戲內的每段人與人之間的情感都觸動到我。這類電影很適合日本人拍，因為日片一向平淡的感情會可以把生離死別細膩道出。沒有了「jit」你眼淚的感覺。但有幾幕，眼淚還是會流下來…

本木雅弘真的做得不錯！當他以禮儀師身份一絲不苟地替遺體裝扮時，手勢極其優雅，替人納棺時，姿態做跳舞一樣，好pro！超讚！

他最後發現老父死前握著的就是他小時候他送給老父的石頭，他邊哭邊幫死去的爸爸洗面…超讚！感受到佢又開心又傷心的情緒…remind me of the moment 當我結婚時，姑姐代死左都好耐的女麻女麻俾隻介指我，話，雖然好多好多年無得見面（因為family conflict的問題）但女麻女麻一直都好掛住我…， 係特別留給我的…那種「以為人地忘記左你，點知發現其實佢無唔記得左你」的心情…好明白…

當然，其他演員亦十分稱職,如社長,社長的女助手,澡堂婆婆,火葬場管理員等等，每個角色都好立體。

當然要讚大師久石禳的配樂，得能帶起觀朱眾的情緒…在廣未涼子離開本木雅弘的幾個月，影象上本木雅弘幫不同人納棺的episode跟上配樂，好正！帶起晒大家的情緒！

所以一定要再聽下，一定要去買soundtrack！

《你咪理 我愛你 死未》…正！

昨晚睇左！

好正，好開心！其實我唔知係musical，只係上次睇左《白雪先生灰先生》…幾歡喜，加上朋友讚好，咪睇囉！

《你咪理，我愛你，死未?》 (喪愛甜心版) 係第四次重演了。

這是一個笑中有淚、觸動心靈、以鋼琴小提琴現場伴奏的百老匯歌舞劇！ 此劇原著(英文版) 於96年起在美國外百老匯連續公演至今，由風車草劇團公演的全球首個授權中文版《你咪理，我愛你，死未？》更是三度公演均告爆滿！ 所以都唔講得少！

今次casting由梁祖堯、邵美君、湯駿業及林二汶分飾60個角色，以19個片段講盡情場中各種男女，由性事月事到紅事白事，由細講到老，走過晒相遇、求愛、相戀、相分、結婚、生子到終老。有使人狂笑的片段，其中也會有D笑中有淚。

梁祖堯、邵美君、湯駿業都是劇場老手，所以無失望！但一定要提林二汶！估唔到佢都好掂喎！

重有，個live的鋼琴和小提琴伴奏都好正！


http://www.windmillgrasstheatre.com/iyn4/index.html

《風轉西藏——我在拉薩賣咖啡》

今天買了6本書的其中一本，因為喜歡西藏和懷念西藏，所以買了這一本書。

OK喇！快快的就看完了。很羨慕Pazu啊！

作者 Pazu薯伯伯
出版社: 天窗出版社

作者簡介：

Pazu薯伯伯（原名尤弘剛），在香港出生並受教育，是一個年資甚深的網民，早期以「兒歌網」網主的身分為人認識，直至二○○○年開始瘋狂旅行，吸引不少熱愛旅行的網民追看他的旅行網誌。Pazu四處遊歷，有次打算留在泰國兩個月，最後卻變成逗留一年學習泰文。就在那一年裏Pazu認識了泰國人Oat。一天Pazu坐在路邊小攤，喝冰凍咖啡，念頭一閃而過，便跟身邊的Oat說︰「不如我們一起踏單車去西藏！」因為Oat很喜歡踏單車，想也沒想就說好。Pazu繼續說︰「不如我們開一家咖啡館！」Oat繼續說好。Pazu夢話不絕︰「不如一起去西藏開咖啡館！」Oat仍然說好，然後問︰「西藏在哪裏？」在這個隨心的、天馬行空的、不切實際的、簡單得過分的情節下，一個關於「香港人、泰國人、單車、西藏、咖啡館」的故事就開始了。

個人網站︰http://www.pazu.com/
風轉咖啡館網站︰http://www.spinn.cn/

教壞人的廣告！

要大家發揮想像想出不同的X露用法…

Short的…

「消毒書包」？？不如一起消毒埋個鞋底囉！！你個仔的書包是放在屎渠中的嗎？又或是日日放在醫院拖地？

「唔消毒書包 = 把細菌食落肚」…如果係真的…請消毒埋…佢老母！佢成日要阿媽抱又要阿媽餵，成日接觸阿媽，所以唔該「連媽帶衫」一齊消毒吧…

真有病！教壞人是也！

D阿媽又真係信…我個妹就係一明証！佢四圍D媽又係咁喎…人地誇大用途就可以加速你家那瓶滴X的消耗…D阿媽又苯得去信喎…

越sterilised就越易係其他地方「賴」野…講又唔信…麻煩是也…

依家D細佬又皮膚敏感又身體差就係厘D野搞出來的！

叫我提議新用法的話…

不如同黎飲啦！

港女vs港男

近日經「星期日檔案」煲一煲，個topic又heat了！

我自問是個無potential做港女的人，所以都唔係好理港女和港男的罵戰。

不過近日看到厘篇文有關港女的成因，好值得大家睇下。佢分釋得好清楚，有晒引文咁，好勁！不過好長囉…

http://www.chinakolau.com/wordpress/?p=612

各位香港女士，可以睇下，反省下，自己有無D壞原素。

有問題者改之，無問題的，共勉之！

BTW, as i recall, 厘張港女的插圖在Maxim都好多期之前嫁喇…依家先俾人搵番出黎勁post…

環保袋

昨日左ThreeSixty買了這個環保袋…$50一個，$88 兩個。

係用舊米袋洗淨再裁成個袋，所以唔經過太多覆雜的工序，就讓個米袋重生！

環保袋好少想去買，厘個除外。

優點：

1. 因為係用舊米袋洗淨再裁成個袋，所以一定夠tough！有D環保袋，我怕唔太受力，重野唔放得…例如，我要放成包狗糧，或一次5袋磅半雪藏雞柳…都唔可以除便搵個袋。這天順便買了幾支礦泉水都無問題，所以確定可以負重！（我家相公話：裝米嫁…實可以負重啦！）

2.又唔怕濕喎！厘方面媽媽最鍾意…因為係Nylon，所以濕左用布抹下就得，好方便，街市用一流！

所以買多一個俾媽媽上街市用。我的是這個熊貓國寶米。媽媽的是白色加橙色泰國pattern的泰國香米。都幾靚嫁！

http://www.resackel.com

第三十三屆香港國際電影節 - my choice

買左喇…唔知今年如何呢？好多都滿坐喇…

除左下邊厘D，其實很想入院睇番徐克的《黃飛鴻》…超勁爆地打得好睇！

23GC3E2 23/3 9:30 PM 艾莉的小秘密
24UQ3M1D 24/3 12:30 PM 遠山情事
24GC3E2 24/3 9:30 PM W
25GC3E2 25/3 9:30 PM 茱麗葉愛可蘭
27UQ3M3D 27/5 5:30 PM 我們的爆煲婚禮
28SM3M1 28/3 10:30 AM 青之鳥
28GC3E2 28/3 8:15 PM 魔幻女兒國
31CT3E1 31/3 7:00 PM 愛情回水一日遊
31UL3E2 31/3 9:30 PM 完全精神手冊
01SP4M2D 1/4 3:30 PM 波波熊姨姨
01GC4E2 1/4 9:30 PM 買起我老闆
02KG4E2 2/4 9:30 PM 艷婦凸務齊歡唱
03KG4E2 3/4 9:30 PM 風塵三俠決戰地獄門
04CT4M1 4/4 10:30 AM 烏哩媽叉手球隊
04KG4E2 4/4 9:00 PM 瘋狂的賽車
05CT4M2 5/4 12:45 PM 一首Punk歌救地球
05KG4E1 5/4 6:00 PM 洋菓子王子
07CT4E1 7/4 7:15 PM 靚太查案記
12KG4M2 12/4 12:45 PM 荒天下之大教
12KG4M3 12/4 3:00 PM 從印度到中國
12AC4E1 12/4 6:00 PM小露與我
12CT4E2 12/4 9:00 PM大丈夫下海
13KG4M3 13/4 2:30 PM 凶心人在寶萊塢
13CT4E1 13/4 6:00 PM 聖誕物語

24/3 會展 HKCEC2 7:15 PM酷大佬與串打星
26/3 會展 HKCEC2 9:30pm 把哀傷留給復仇

3月尾至4月頭忙死了…

HSBC…我唔覺佢係收害者…

我無玩“估票”…不過見厘排大家都好亢奮…所以都留意一下…

「競價時段」…哇…好深…只知道係臨收事時得一班大戶可以自己玩的遊戲規則…

個個話匯豐的慘況係被人質…佢好無辜…

之後上網求知啦…

睇左

1.林忌兄厘篇…《由雷曼到匯豐的真兇》
http://plastichk.blogspot.com/2009/03/blog-post_11.html

2 南杏的《好彩現實買菜無咁煩》。作者破天荒用口語去解釋如果去街市買／賣棵菜，無得講價，反而變成競價時段咁，會點？
http://www.paragraphy.net/?p=483

發現…

原來匯控係一人分演4角去力撐「競價時段」，厘個留俾大戶（即係佢，唔係你…）玩的遊戲規則…

有理由相信佢地都係想做大家世界…

咁今次未做人世界就俾人做番佢個大世界…係咪可以話係「抵X死」…

唔好重同我講話匯控只係俾人玩…佢自找的啊…

HSBC肯定可以話係作繭自搏…咁樣，小股東係咪應該在考慮供股前，係咪要想下，厘班HSBC 的management重值唔值得你信任囉…

被通輯…

搬舖搬到命都冇…乜都唔記得左…

老師的書畫展…完全無左記憶…

結果被老師來電通輯…哈！結果星期日立即死過去…

老師的「心安身健即神仙」…大家共勉之！

To Mandy…你又無得食…

Mandy…如題…

3月1日陳總自己煮左厘D野俾我地食…只是部份咋…Wakakakak…你又唔得閒…

首先，有個燒烤爐，自己燒魷魚加栗米…佢個自己弄的辣豉油好好味！阿Don一個人就吃了4支栗米！

Lemon蒸烏頭…好味…我唔食怪樣魚都話好味…重有，個扣俾我食左…

佢真係住家做了「兩面黃…糖醋麵」喎！勁！

我最愛的燒烤釀雞翼！好juicy，又唔滯嫁！

Bibi request的潮洲滷水…檔！即係乜都要…結果有鵝、牛肚、牛展、鴨舌…鵝肉好好味！

紅酒煮鴨！

大頭媽request的「反沙芋」。Dora姨話好花功夫，做得好喎！

最奪命係…

1. 印尼糕點都要自己蒸，唔買…

2. D生果係“put”左做生果球！死未！？

另外重有…不能盡錄…

Wakakakakakak

印度片的Soundtrack推介！

講開Slumdog Millionaire，這類印度題材的電影，不可以不提配樂。Slumdog Millionaire用的是A. R. Rahman，一個印度好勁的音樂人。

Slumdog Millionaire拿了：
Winner, Academy Award for Best Original Music Score
Winner, Academy Award for Best Original Song for "Jai Ho"
Winner, BAFTA Award for Best Film Music
Winner, Golden Globe Award for Best Original Score

當然係勁，不過我最喜歡還是佢做《Jodhaa Akbar》的音樂！


我部MP3長有這個soundtrack！厘隻碟多係慢歌。


其中Jashn-E-Bahaara 好正！印度文的情歌都可以好「霖」嫁…


鍾意勁歌熱舞的就要睇《Dhoom 2》！Soundtrack又係一定要的！


套戲精采！D歌舞場面超正！（Slumdog的片尾歌舞其實好唔掂…當然係以印度的top 歌舞場面作準！）

睇下厘個《Dhoom 2》的Dhoom Again！我的致愛大隻男Hrithik Roshan！佢大隻高大得黎跳舞好爽！相信我！Arron可以行埋一邊…



還有《Dhoom 2》的“Crazy Kiya Re”，featuring跳舞的印度西施Aishwarya Rai ，超索！！D dance move又勁又sexy！人地又靚又跳得！



還有《Om Shanti Om》的歌舞！一樣正！這首Om Shanti Om的Deewangi Deewangi曾是我的電話零聲！厘首歌，feature全是大星，跳一世咁長！我在戲院睇時睇到很興奮！


《Om Shanti Om》的情歌還有這個… Ajab Se Adaye Hain。厘首又好聽…Deepika好靚…

《一百萬零一夜》（Slumdog Millionaire）

終於得閒睇喇…之前日日執野，都無時間…

因為大家都知奪得今屆奧斯卡8項大獎，所以個劇情實在也無需再多講。

拍攝手法好正，好流暢。其中講Jaml, Salim and Lahtika由小到大的過程，好流暢。佢地都演得好好。一向都喜歡厘類小品題材，有地道色彩的電影，其實真係好似睇開電影節的電影。如果講人生…我情願睇Slumdog而唔睇Benjamin Button。（這只是個人喜好的選擇…）

今篇期實係想講番本書。如果對Slumdog的故事有興趣，不防睇埋原著。咁就會對有D 「R」頭的事會清楚D…例如，好多人問點解Jamal等三個識英文。其實電影都交待左佢地有上過堂…“3 Musketeer”嘛…（有時發覺D人要chanllenge野但又睇D唔睇D…）不個小說就放了更多篇幅去講Jamal的成長。Lahtika其實係一個電影create出來的角式，是集合了原著幾個女子的影子。各有各好啦…電影可能真的有需要簡化下人物和篇幅…

不過我覺得睇書個感受會深D，因為描寫佢成長的過程會再細緻D。

極推介睇埋本原著！

多才多藝…

當我發現，我除了日常做開的工作，及搞開的興趣玩藝外…

搬office時會油灰水，亦會自己油手掃漆翻新張reception檯…

我發現，厘D先叫多才多藝…

識寫兩手字真的沒甚麼大不了！

BTW…就黎執野執死我喇…真想快點搬妥…