《葉問》好睇！

哇！打到飛起！我最歡喜睇武打片，要係有功夫睇的！北派、太極、詠春、南拳我都口岩！但《殺破狼》那類爛仔交就唔係我杯茶喇。

今次雖然係我唔多like的甄子丹，但因為有詠春功夫，所以都要睇！點知真係幾好喎！甄子丹的表現已是我意料之外，無咁誇張喎…真係有D功夫宗師的feel。

佢入面打既詠春確係葉問詠春，雖然為配合電影免不了還要一招一式咁對拆，但已經好過晒從前個D詠春片。

睇打戲，一要睇對手…一個人打唔到嫁喎！咁佢D對手都好打得！

其中跟樊少皇飾演的北方武師金山找的兩幕打鬥啦，行宇飾演武痴林的對打亦是令觀眾滿意的。之後佢一對10個柔道日本人和同池內博之打的一幕都OK。

今次的武打我覺得好睇係佢地雖然葉問仍然係最好打，但同人地打的時都會show到佢D弱點…同佢點樣去應付。今次亦都無左D花考到痺的誇野…

最好就係最后和日本軍官的大比武，無左例牌的先是不敵然后小宇宙爆發的超人橋…一上場就打個勁直接把日本人打到半死，咁樣比較make sense。這真要歸功於洪金寶的武指了，佢使每場武打都迫真反凌厲，亦各有變化。

演員方面，樊少皇演過江龍，夠猛夠勁。林家棟的漢奸翻釋個角式設計和他的表現也很正！任達華都OK，不過個角式平淡D。日將池內博也外形都幾好。又南的角式就可有可無了。

不過難得Aaron嫂也可以，唔太難看喎…

重有重有…葉問的長衫好型仔…佢佛山間大屋…哇…好鍾意！

總之，厘套戲係Christmas必選啦。