黃飛鴻之二男兒當自強

今年電影節播左好多電影工作室電影，其中就有《黃飛鴻之二男兒當自強》。當時都好想去大銀幕睇多次喇…想當年《黃飛鴻之二男兒當自強》安排於九二年復活檔期開畫，票房更衝破三千萬大關，成了整個系列最高票房的一集嫁！這真是其中一套我好鍾意的武打電影！

點知昨日無聊的睇電視，那個無聊的道地星期日影院竟然重播！咁都可以回味下！

一向都喜歡睇李連杰打啦…打的精采、漂亮，而且打的多。還記得睇第一集時那個佛山無影腳…同學們還在閒時扮那個無影腳…好好笑！

兩場黃飛鴻和全宇宙最好打的納蘭元述打棍都好好睇！徐克將打的都拍得又real又entertaining喎…

黃飛鴻系列好睇唔止在打喎…佢個story line又豐富，人物又生動…無理由唔題關芝霖的十三姨吧…so sweet…

另外，又其中好多家仇國狠的情節，都睇得好動容…

還記得睇到陸皓東在看到白蓮教徒已經瘋掉了的時候，說如果中國人都這樣，中國沒得救了…哇…真有D跟住佢欲哭無淚的感覺…

另外，全宇宙最好打的納蘭元述的角角設計也得特別，唔係一味的壞人…佢都有佢的想法…就形成了故事中，孫中山、白連教和朝庭之間的角力，好正！

當然，唔可以唔題那首主題曲《男兒當自強》…好掂！真係霑叔的一首極品！我想，依家都無人有D咁樣的襟懷去填一D咁豪氣的歌詞了…

第三集《獅王爭霸》都好睇嫁！