今年搬左屋，搞到去左九龍西選區。九龍西選區一共有十三張參選名單，爭奪五個議席。
洗唔洗咁多啊…好煩…好難投票…厘個比例代表制又一次成功玩野了…我家3票要點投啊！
先睇下個choice先！
1. 莊永燦（掘過底，親中的…forget about him！呢條友…comment佢都浪費氣力！）
2. 李慧琼、鍾港武、陳偉明、鄭泳舜（民建聯的…哇…睇見佢地下列的片段…叫佢地去死啦！民建聯最無恥！民建聯和工聯會的投票立場基本相同，但工聯會大部份的立場是較民建聯符合基層利益，所以要親政府，親中的，屎堆中選無咁屎的話…工聯會還是會比民賤聯好一點。）
民建聯最無恥節錄：
鍾港武…好賤…重以為自己好smart…smart ass就有佢份！最搞笑係李慧琼夠膽話人地唔公道！正！賊喊捉賊啊！
3. 龍緯汶、韋世民（南方民主同盟的主度，關注少數族人/低收入人仕的權益，佢D政網OK嫁，好多問題都有清楚的point of view…如果選民協，不如選佢喇！不過驚會太少票…浪費左囉…如果唔係比例代表制，我一定會選埋佢！）
4. 涂謹申、林浩揚（民主黨…好想投佢…但係…佢地越來越唔得…不過為大局，可能還會俾佢慣性收視囉。涂謹申積極檢討警權的問題，我是好支持的！佢講野firm，唔會敷衍大家。唔會好似毛孟靜咁，好明顯，毛孟靜可能住慣半山，跟本唔明好多議題！我覺得，其實毛孟靜應該入自由黨。）
5. 毛孟靜、伍月蘭、鄧志盈（公民黨…我好想投…但係毛孟靜的表現…好差！真係好差！點投得落啊！得把口…以為重係主持緊晚間節目，用把磁性的聲線就呃得人！佢重要成日扮晒優雅唔同人嘈咁…其實原來佢係無料到！睇下厘下面D片…前言不對後語，超無料…雖然我勁想扮中產投公民黨，但都選佢唔落。佢竟然在其它的選舉訪問中表示有關監警會問題上，只要教好D警察就可以！天啊…佢真係好屎！係好屎啊！點解公民黨在厘區俾舊屎我！各位選民，真係要睇清楚各人的表現啊！真係好多政混嫁！
唉…毛孟靜，睜眼說大話！點啊…俾人地篤爆就亂晒腳，好無料！毛孟靜的大話片。
上youtube search下，佢D蝦碌野多到無朋友…「田北俊vs田北辰」事件，超爆笑！唔知點解在一條佢自己prepare的問題都可以觸礁呢？真係失敗！有無人同佢go over過D問題嫁…又無意義又只會自暴其短！
厘條片…佢又表現自相矛盾了…真無佢乎…
6. 林依麗（一個極騎呢的女人…點啊…竟然在電視上話又唔想做…乜野人地選中佢係人地的福氣…嘔…滴汗…）
7. 梁美芬、梁偉權、林家輝﹙西九新動力，超無恥，無恥程度直逼民賤聯！話自己獨立…但有中聯辨撐！還得傳統左派組織工聯會寄出支持信給會員！重扮唔識唔清楚！？配票得咁鬼鼠，必屬鼠輩也！投不得！所以，所有claim自己係獨立候選人的都要查佢3代！題外話：新界東龐愛蘭自稱獨立都唔係獨立嫁…﹚
8. 黃毓民、李偉儀（支持社民連！佢講野係大聲D，不過有point。佢敢言而又堅持！與其俾所謂民主黨、公民黨等溫吞水咁，扮晒英式優雅搞唔到野，不如俾的惡形惡相的搞下！跟本對住香法厘個制度，扮晒有教育、有理智係無用的！）
剩係睇多一次第一條片就知邊個有guts！其它所謂泛民咪只係睇住涂謹申俾人砌！得毓民夠膽幫拖，犧牲自己砌民協的時間去玩番民賤聯！厘D先叫有guts！
9. 田北辰、何顯明（自由黨…not my cup of tea！想起旅發局的爛攤子…想起佢地的利益輸送…就一定唔會投佢地！）
10. 馮檢基、莫嘉嫻、秦寳山、黃志勇、楊振宇（民協…無乜feel）
11. 劉千石（一定要掃走佢啦！唔做野，霸住個位！白“dow” 人工！離晒譜！叫佢番去陪仙姐啦！掃走厘個混球！）
跟據“立法會議員天主教監察組” 所公布的《2007－2008年度監察報告》：
劉千石──全屆（2004-2008年）有22次缺席（立法會第三差），325次不投票紀錄（是立法會第三差，直選議員最差紀錄），43次發言（是立法會直選議員最差紀錄），15次質詢（是立法會直選議員最差紀錄）。在民生議題上，他作為立法會內民意代表，上年度他並沒有參與「反對開徵消售稅」和「最低工資規管工時」之投票。在政治議題上，他並沒有就支持普選行政長官投票，完全背離競選時支持雙普選的原則及立場；他議事的工作表現是直選議員中最劣的一位，
他是直選議員中唯一全年無提出任何動議和修正案的議員，亦是連續4年無提出任何動議和修正案。監察組認為，市民一般對直選議員有較大的期望和要求，但劉千石作為九龍西的直選議員，其表現較很多功能組別議員還要差，實在令人感到非常失望，監察組必須提出譴責！
資料在此http://www.geocities.com/legco_catholic_monitors/
唔洗講啦…點可以投佢！叫佢回番上四年人工就差不多！
12. 柳玉成、蔣潔鳳、徐達偉（柳玉成講野都有point嫁…）
13. 譚凱邦（是環保組織的主席。政綱極傾向環保議題。政治取向較為泛民。如又係如果唔係比例代表制我都會選埋佢。）
講住咁多先！
為左大家的前途，請到時投下你重要的一票！
認真的上下youtube，search下，可以搵到好多clues去幫你決定投邊個…我原本想話投公民黨，但係認真的睇晒我搵到的資料，終於都決定放棄佢了。
唔為自己，有孩子的朋友都應該為自己的子女好好選一選！你究竟想自己的孩子在怎樣的道德觀下生活…
8964
No comments:
Post a Comment