Day 1 夜場 2009高雄燈會…愛、愛、愛

晚飯因為Dora姨要探望漢來大飯店的行政總廚陳師傅，所以我地今晚去左酒店食飯喎。經陳師傅推介，我地竟然去左漢來飯店食西餐！佢話新年期間，D魚船無出海，D海鮮唔會新鮮，都係食西餐或日本菜好D。咁又係喎…

所以，我地一行8個人，浩浩蕩蕩的跟住陳師傅去左11樓的池畔餐廳。因為我們太吵喇…所以出左去泳池畔開檯！好有氣紛嫁！


池畔餐廳的餐點以法式排餐為主，兼有少許的義大利麵，我們今日所選的是set dinner，大慨NT750+10％，7個course喎！Main Course有成6/7個任選一。實有一款口岩你口味！$200有找的7 course西餐，重要好食，想點？



實在太多野食，又燈光昏暗…食到差D打瞌睡…不過好得意喎…我地食住好靚的西餐，聽住D“年…又過年…共興歡樂年年…”的賀年歌，好搞笑…好想去幫佢關上廣播…

哈哈…今日唔知點解所有野都咁急…（其實我地日日都咁急…嘻嘻…）我地要9pm又飛去「愛河」邊睇煙火表演喇！


無腳架，就咁影，係咁上下喇…

其實近幾年我都唔會出去睇維港的煙花。不過旅行時順道有緣出去逼下又幾happy喎！散場時我和一家帶著臘腸狗的家庭搭訕，我還送了兩張我家臘腸狗的年曆卡俾佢地兩個小朋友，大家好開心呢！早知就帶多幾張啦！


點解會有煙火大會呢？

因為係一年一度的「高雄燈會」嘛。「高雄燈會」與台北燈節、台灣燈會並稱為台灣三大燈會，一直是高雄市民每年最期待的節慶活動之一，也是高雄市推展觀光行銷的重點節慶！今年2009高雄燈會藝術節的主題為「愛‧幸福」（呀……有係“愛”啊、“幸福”啊…）。

這天剛好係「開幕之夜」，所以有特別節目。除左9點正的煙火秀，還有表演睇！有棒棒堂喎！不過我地8人的平均年紀都double佢地喇，所以都係pass，唔睇喇…不過注意，我地唔out嫁！我地有人聽到歌聲就知係棒棒堂表演緊喎…好明顯，我地8人中有人係棒棒堂的「粉絲」唷！Wakakaka…

厘個就係「愛河」夜景。因為有花燈點綴，所以厘晚份外靚！


見到「愛之船」…「愛之船」…邊個改個名嫁…


之後，我地經過「真愛碼頭」…（有D打冷顫…）


再在「愛河」邊睇燈會！Wakakakaka

咁多「愛」…睇你點頂！

愛河…受不了…

點解條河有個咁肉麻的名字呢？原來有個搞笑的原因喎！

【日據初期，愛河仍未有統一的名稱。1920年打狗(高雄舊名)更名為高雄，1924年升格為高雄市，之後，稱愛河為「高雄川」。鐵道部在今建國橋北側的鐵路鐵橋邊立有「高雄川」的鐵牌。1995年市政府拆除該鐵橋，「高雄川」鐵牌隨之消失。光復後，這條河成為情侶談情說愛的地方，市民陸續在下游河岸經營划船所，出租小舟供情侶泛舟談心。1948年，市民陳江潘在現今中正橋附近經營划船所，由詩人呂筆命名為「愛河遊船所」，生意興隆。當然，這裡除了有人談情外，都會有人殉情喔。1949年6月，颱風過後，「愛河遊船所」招牌破掉，剩下「愛河」兩字。而剛好又發生愛河殉情事件。記者初抵高雄就任，採訪後，誤以為河畔招牌的「愛河」兩字為此河的名稱，於是以「愛河殉情」為報導標題，「愛河」一詞成為媒體共用的名稱，逐漸引起市民的共鳴，愛河之名不脛而走。民間自此改稱「愛河」，不再稱高雄川了。 】

呵呵呵…一個肉麻的名字原來有個錯摸的起因！

Anyway，今年高雄燈會藝術節的主題係「犇牛迎世運」（今年由高雄市主辦世運會啊）。大都是學校參加的花燈。但手工都好靚喎！




題外話：點都要提下無鬼用的PCCW…

相片中：Dora姨和她的PCCW搏鬥中…她之前轉了台到PCCW，佢地竟無幫個客開漫遊，又無問佢要唔要開！搞到佢好煩…收唔到電話。我地自己去7仔想買卡，但在台灣，外人要買張local card都好難喎…在7仔，要兩個人登記身份證作類似“諮詢人”嫁！結果當晚只好打電話回港的PCCW開番佢個漫遊啦！咁當然，以PCCW的服務，當然又唔係好順利要駁來駁去啦…—不過，搞笑的是，唔知PCCW係咪真係cheap D呢？佢地係咪簽埋D cheap網，搞到佢成日都收唔到電話，氣得佢半死！

結果，第二日我地就勞煩司機邱先生幫佢出番張SIM card囉…都搞成半個鐘嫁！

之後上網見人地講原來在機場有 counter 可買SIM卡, 只要出示 passport。如果在市區的7仔無人做“諮詢人”就買不到的了，因為要登記開卡。但充值卡就可以在市區的便利店買到。每間收費不同。