旗津係一個長形小島，旗津半島舊稱「旗後半島」，是高雄最早的發祥地，位於高雄港西側，為一海外沙洲，可以搭乘渡輪前往旗津，不過也只要幾分鐘的航程。現在銜接高雄市的過港隧道通車後，方便多了。
我們因為有車，所以無緣乘船，只能到旗津渡輪站外一遊。好多人都會prefer由高雄市中心乘船到旗津，雖然只有幾分鐘航程，但高雄港灣景觀都睇晒。點講呢？旗津有D似香港的長洲囉…係一個漁港，有海鮮食，有沙灘，有廟咁囉。聽落好似好悶咁，不過因為是日好好天，所以都好爽！
Perfect的藍天！
好多人一到就會睇個旗后碼頭，不過老實講，吸引我的唔係個碼頭（我竟然唔記得影個碼頭全景！）…而係個指示牌…
哇…「toward LOVE Pier 往真愛 碼頭」！！！都唔好話唔殺死人！話時話，台灣都真係好多骨痹野…好多「愛戀」呀，「真愛」呀，「幸福」呀，「浪漫」呀…等等。我地厘D粗鄙的香港人，有時都唔係好頂得順。所以大家都立即飛身過對面馬路，逛街去也。
旗津的主要特色店都在旗后碼頭附近的旗后區，即廟前路是也。
唔好以為係路邊雪糕筒，其實係帽子！因為見係禁止趕「X樣」，所以買左兩頂回家和Robby大少練行「8」字步！ 途中我因為戴住厘頂帽，所以被途人拉住影相。超搞笑！
廟前路大多是地道小吃，玉啊、水果盆、油炸食物等…其實，成個台南都是吃地道小吃的。而高雄，因為是台灣的海洋首都，所以都是「靠海食海」…唔知點解，佢地所有以「花枝」為名或提材的食物都好好味啊！
NT10一串的花枝丸！可以自由搭配調味粉！有Wasabi、黑胡椒、白胡椒、辣椒、鹽…任選。
大家一致認為最好味的其貌不揚的墨魚香腸！真係好醜怪，不過好好味！比原塊墨魚好味喎！
蝦片都幾好食…
當然重有其它小食啦…不過太多喇…不能盡錄囉…
廟前路上有天后宮，常年都香火鼎盛。我地香港人，初三剛去過車公廟，所以唔洗喇，無入到。
行到廟前路的盡頭就到海岸公園了。一望空闊，個加上天氣好正，好爽啊！夏天在這裡游水都應該幾正！
廟前路上有天后宮，常年都香火鼎盛。我地香港人，初三剛去過車公廟，所以唔洗喇，無入到。
行到廟前路的盡頭就到海岸公園了。一望空闊，個加上天氣好正，好爽啊！夏天在這裡游水都應該幾正！
之後我地就去食午飯啦…一頓7人「海鮮」午餐，NT2000，OK啦…
啊…不要忘記…椅子都要心形…唉…
之後，“檯面理由”係夠鐘要回機場接陳總，“檯底理由”為我地懶，唔願行，所以路過旗後山、旗後砲台和旗後燈塔而不入。聽聞砲台居高臨下的感覺最棒喎！旗後燈塔就有最佳的視野…算啦…我認…我地其中係有人…好懶…
之後順路經過風車公園，就去接人喇！啊…旗津其實幾好踏單車和放風箏的，唔趕時間可以試下。
高雄旗津旅遊網，睇見D相…好靚！不過一定好似我地咁，要好天去啊！
http://invest.kcg.gov.tw/cijin/Default.asp
No comments:
Post a Comment