點都堅持套戲個命係：《嫌疑犯X的獻身》！
係《嫌疑犯X的獻身》啊！！
一早睇左書，是我心目中的no. 1推理小說…原全不能接受香港將個片名變左做《神探伽俐略》囉！厘部書/套戲的主角係石神，唔係湯川學啊！大佬！
Sum up套戲的偵探位，其實就是像湯川學問石神：『擬一個別人無法回答的問題，和解答那個問題，何者比較困難？』所謂的他們的對決也是此。
看戲後，我家相公話唔夠明快，解謎唔夠impact。不過個橋就真係估佢唔到，零破綻佈局，高招也。
我一早睇左書，個expectation會唔同D。我知《嫌疑犯X的獻身》無可能電視版的《神探伽俐略》。我會以睇一部偵探包裝的愛情片去睇。今次湯川學唔係以科學去幫手查案，而係而科學方法去查案！所以一定會無電視版那些加上科學實驗的「啊！原來咁做…明白了！」的感覺。大部份的解謎係齋talking。不過就好出人意表「原來如此…就是這個邏輯盲點《表面睇上黎係幾何,但其實係函數》！」
基本上佢地無乜大改本小說…日本人…無香港人咁自大掛…香港D編劇…總係覺得…自己寫得…好過…金庸！哈！
拍攝上電影版氣氛比較沉重，加上，可能大家習慣左電視版的節奏…有D人會唔慣。其實東野寫厘本小說都話係講愛情囉…不過大家可能俾電視版（東野的短篇故事）先入為主。不過如果用電視版的明快開朗的方法拍《嫌疑犯X的獻身》又唔係咁口岩feel…所以都是應該分開來睇囉。
選角上以堤真一做石神是perfect的，我覺得佢做石神做得好好，堤真一主動把額前的一小束頭髮染白，還刻意剪個很俗的髮型。他會低頭、把雙手插在口袋中、肩背微彎，這個小小駝背的姿態猶如畫龍點睛做到那種好憂鬱，好無奈，一個落泊的天材…真是比一個蠢材慘！他的造型亦好似，做得好真。頭髮，插衫袋，令人覺得一個天才竟然會淪落到如此下場，是何等悲傷，多麼令人可憐。
Personally，我覺得個高潮位係點解石神會幫個靖子而唔係個解謎。我想，戲中最大的謎團其實是：「究竟愛一個人，可以愛到什麼地步？究竟什麼樣的邂逅，可以捨命不悔？邏輯的盡頭，不是理性與秩序的理想國，而是我用生命奉獻的愛情。」大家看到ending石神的自白…終於的明白吧。亦explain到之後點解佢會愛上隔離屋的單親女士…真係唔係美唔美女的問題…而是剛好，她的出現就給了他一個活著的理由！如果大家睇到結尾石神同靖子係到喊那一刻竟然唔感動…咁…我都無話可講…
一路往回想，他當初以為石神因為純粹妒忌而玩跟蹤恐嚇, 原來都係為o左保護佢喜歡o既人, 另讓她安心…唉…真是一個完美的計劃…完美到…自己會犧牲了也無人知…不過結果好感人，因為愛，可以為自己愛既人付出一切。呢D事情，神探伽俐略一世都唔會明 ......
BTW, declare番先…我由同一屋根下已經好鍾意福山嫁喇！佢真係食左防腐劑嫁！
No comments:
Post a Comment