Trailer…一定要睇下！！
昨晚睇完，今日還在興奮中中…
By the way, 張poster好鬼型…
昨晚睇了《The Good, the Bad, the Weird》，香港譯《風塵三俠決戰地獄門》，台灣好似上在左…譯為《神偷．獵人．斷指客》兩個中文名都好無聊…
鍾意睇帥哥就一定要睇囉！這是一部幾乎沒有女性角色的電影！
《The Good, the Bad, the Weird》是2008年韓國最高票房電影。取題自由名導沙治奧李安納的意大利式西部牛仔電影經典《獨行俠決鬥地獄門》，這個韓國版改為1930年代的滿州為背景，在日本殖民地的統治下，很多朝鮮人逃往裊無人煙的滿州避難，同時吸引了傳說中的火車強盜泰求(宋康昊飾)到來。在搶劫火車的過程中，泰求從日軍官員手上搶走了一張中國清代的藏寶地圖，誰知此舉觸怒了正準備下手的馬賊團首領昌伊(李秉憲飾)。面對日軍及馬賊團的追迫時，槍法出神入神的道元(鄭雨盛飾)及時出現救了泰求，泰求卻不知道救命恩人其實是位賞金獵人。結果三人藏寶圖而牽引在一起，在火車開了一場既互相利用、又勾心鬥角的尋寶遊戲，同時被日、俄、中三國軍隊圍捕……結就就做就了連場的槍戰、混戰啦！
簡單講係「韓國人拍在中國的西部片」囉！
開幕的火車上的槍戰已經好精采！不過原來都只是序幕，連場刺激好戲還在後頭。
之後就係D人在大街小巷打黎打去，追黎追去…基本上就是從一個地方追到另一個地方…
追到每個地方又打一場…但又真係打得好精采，睇到大家好興奮…
加上每一場戲的配樂都非常到位…令你心情更加亢奮…
我雖然見親打爆缸…見好多血都心慌爆…但都要又怕又睇…有幾次都彈起左…（係…瘀爆了…幸好兩邊隔離的女觀眾我都唔識…加上佢地都彈起…嘻…都唔係得我一個！）
中間有一段在鬼市的屋頂，鄭雨盛用Rifle同人鬥射…他單手拉著置高懸空的繩索，飛舞在屋頂上的半空，還不是一般的泰山運動式的，而是像merry-go-round一樣地在繞圈子，哇…想點？可不可以再誇張一點呀!
更不用話最後那場沙漠的車加馬上的追逐戰了，我想…有15分鐘吧！15分鐘的馬上追逐戰！真的太過份了…場面加上音樂…很久沒有這般興奮過…真是要大銀幕才可！超值回票價！
OK，點都要表揚下帥哥們…
鄭雨盛，The Good，帥啊…
堪稱裡面最原汁原味的西部扮相，馬靴配上首長jacket，頭上頂著是牛仔帽。
更不用說那把bounty hunter常用，佢的label的Rifle，手上一個flip再開槍…重要在騎馬飛奔中…哇…他在劇中的表現可以用"帥到爆"這種非常無誠意的的形容詞來描寫…
總之，鄭雨盛從頭為尾拿著長槍都不知道在扮帥什麼的…
李秉憲，The Bad，
馬賊老大穿西裝加反領白襯衣，騎馬喎，不過唔好理啦…型仔就是了…黑手套、頭髮前額長流海，加個smokey eyes…好明顯係“The Bad”啦…
未見過李秉憲厘個樣囉…邪有邪的型啊…
最奪命無啦啦，中場加個上半身晒腹肌的場景…我想全場女仕都暈了…
宋康昊，The Weird
OK，佢唔靚仔…當然啦…不過就帶給大家無窮歡樂！無左佢，套戲就不一樣喇…他那長耳皮帽的爆笑造型，還講著一口非常好笑的中文，好好笑…
還有他戴著潛水頭盔來當防彈帽，真是本片最經典的橋段之一
唔靚仔唔緊要，好笑都tum到女仔的啊！
話時話，個wardrobe真無話可說…個個造形都好正！Even D唔型的角色，D造形都型的！死未！？那些蒙古土匪的衣裝都好正！
………
相信我，真係抵睇！電影節重還有一場，未full，去睇啦！唔會失望啊…(如果唔係文化中心，我實捉蘇醫生睇…唉…文化中心收唔到call…真慘…)
日期: 2009年4月10日
時間: 下午3:00
編號: 10KG4M3
地點: 香港文化中心大劇院
門票於城市電腦售票網有售
#另外，我在YesAsia見有《風塵三俠決戰地獄門》 (韓國特別版版)(DVD) (初回限量版) 已有喎…即係上網可能都搵得到…不過無大銀幕點都差D啦！
##真係唔明點解唔上正場囉…
4 comments:
好詳盡的文章呢！
The Joy of Singing 同 The Good, The Bad, The Weird 也是今年看得較為賞心悅目的電影. 希望往後的有更好看吧~
大家咁話啦！我今年其實都中左好多好睇的戲了…
超同意你o既睇法!!! 呢套戲真係無得頂!
型到爆呀!!!!!!
我琴日睇完, 仍然十分回味呢!
to Nil nil, 係啊，我上次睇完都要回味多一日啊！
Post a Comment