唔明消防局聖誕節在局內搞BBQ有乜問題…

早兩日睇到報紙，見到消防員近日在多間消防局內大搞聖誕燒烤晚會宴請親朋。其中最「賴野」係有茂李用萬能斧「架頸」影相俾人見到重post左上網。

唉…老實講，我覺得消防局搞聯誼在局內BBQ真係無乜問題喎…

又唔係日日搞，一年一次之嘛。況且，消防員的工作地在局內，同醫生在醫院的醫生房搞聖誕party，寫字樓OL在寫字樓搞生日會又有乜分別！總之唔好搞到正常工作就得啦！

至於立法會議員王國興批評話「消防局係一個嚴肅的地方，當收到火警召喚，應爭分奪秒去救援，唔應該用來搞派對，萬一發生火警，影響救援速度，又會備受市民批評」。

厘條茂可能番慣9-5工，實左唔明要番shift的工作的同事的難處了。消防，和醫院一樣，如果唔係工作地點搞活動，實唔會見齊同事嫁！分分鐘無左一半！係咪可以每年關局一天俾全體同事黎聯誼先？ 唔得嘛…咁咪要張就下囉…

重有，就係食BBQ，其實最好喇，可以一停手立即又開工嘛！在當值的咪繼續當值，唔係的咪聯誼囉，有乜問題？醫生、姑娘都會咁嫁啦…一call咪即走囉…習慣嫁啦…

至於阿立法會議員李卓人批評，消防員不應把救援工具用來做燒烤爐：「冇理由咁下午訓練完切割，冇耐變晒燒烤爐。好明顯就唔係用工具做訓練，係用玩！」我又唔明有乜問題，咁廢物利用有乜問題？反正要練切割，咁進一步將被開的油桶製成燒烤爐，只是因利乘便，廢物利用，有乜問題？

其實我覺得最致命的只係係有消防員親友手持萬能斧「架頸」拍照留念囉！厘個就真係離譜D！工作架生無理由用黎玩…唔通在醫院就玩下針咩？？有冇腦架…

何況，之前都俾人鬧過嫁啦…都會衰番一樣的事，真係苯蕉是也！

厘方面，D消防都有責任囉，兼且…佢地要慎交友囉…俾親朋參加一齊聯誼，玩完之後重靠害…post上網，厘D朋友交唔過啦！