W轉到東華醫院…新的一頁

和W的媽媽一起幫W搬到東華醫院療養。大家都要適應新環境…

朋友曾warn過東華可能幾舊，又多老人家，唔知W會唔會覺得好depressing，所以轉院天要多多支持佢。

我亦兩手準備，搵定香港其它的「善終」option俾W，例如靈實醫院、白普理等資料，如果W真係唔鍾意，重有得轉。

（Clin Psy朋友話，最好可以俾W有options。入院已是逼不得已，如果重樣樣無choice，被人逼，個感覺更差…所以，我通常都係…「唔…我prefer咁囉，因為咁咁咁，所以好D，不過如果唔歡喜，都可以咁咁咁…不過要等我地安排下囉…」這個方法通常都講得掂佢…）

幸好，東華只是外表舊，內裡已翻新了。

他們的醫生也很好，認為W的情況，心情好緊要，所以特別安排了一個雙人有梳化的房間給他，還讓W可以24小時有人探訪，以提高一下他的士氣。

就是這樣，我們又開始了新的一章了。