Jodhaa Akbar (2008)

選擇睇這套電影係因為係古裝片。好想睇下印度的古裝片是如何的…中國/香港早排的矯忸做作的古裝片都睇得人悶悶的…係時候搵其它野刺激下…

當然，重想睇下…唔…香港人鍾意的數字遊戲：“多於 80 隻大苯象， 100 匹馬，和55隻駱駝用於拍攝本片。 其中一首歌 “Azeem O Shan, Shahenshah”, 的歌舞場面用上1000，係1000個臨時演員. 全片的首飾共用了400kg金！” 的排場囉。

女主角是一個印度公主，由Aishwarya Rai飾演。無野講…好靚…好靚…靚到係，就算佢戴住一個大到成隻手鐲咁大的鼻環都好靚…唔似一隻牛！她跟本就像是一個印度公主的化身！不過題外話…我唔知佢帶住咁大的首飾點上床睡覺呢。



男主角係型仔Hrithik Roshan，我鍾意！不過呢個係古裝造型就…不過有場佢露了上身耍劍的場面…哇…身形…超好睇…就連和我一起睇的老媽也一邊睇一邊感嘆…“哇…點得佢咁大隻嫁…” 好好笑。

呢套戲係由十六世紀開始，講2個不同宗教、文化既男女主角因政治婚姻而認識，咁當然初頭男女主角都無感情啦，到後來經歷過種種事而互生情愫。（都好老生常談的愛情橋囉…）導演話係跟據歷史改篇，但有70%是「老作/創作」的。

我的印度朋友話Jodha Akbar最大的“老作”是，Akbar大帝…事實上，身裁矮少，邊有Hrithik咁大隻，咁“樣眼” 喎…嘻嘻！

Anyway，因為佢的“創作”，套戲上畫的時候有好多爭議，亦曾在部份印度地區被禁上影。但最終，此片因為口碑，在印度本土成為Superhit，在英、美亦有好好的口碑。

戲中涉及好多戰爭場面。中國古代戰爭片只會騎馬出現，但厘次o係印度，就會出埋大象、駱駝。厘套片最吸引我的，除了男女主角外，就是那些一絲不苟的服裝設計和set。好富貴，好華麗…

順帶一提，電影裏的一首歌"Jashn-E-Bahaara"非常好聽，每一次聽我都會想起電影中男主角著迷地看著女主角個樣。無想過印度杼情歌都會好聽喎。不過，當你發現歌手的真實外表的時候，你會無比失落，都係唔知