八九年的六四…想當年中六的我…

臨近六四就特多妖魔出山…

可怕的是越來越年輕…

相公話無辨法…

因為依家D靚仔最好manipulate的…

佢都無親眼見過六四時的新聞，所以可以好無恥咁以「我都無見到！」為藉口，講D唔負責任的事！

佢地係可以完全無心理關口要過嫁！之後咪選擇性地搵野信囉…咁當然，信偉大政權就實係多D jackso啦…那些北京考察團都幾和味的啊…

但如果係我地的年紀，睇過新聞，上過街，就真係好難可以好似那兩個皇仁仔和那個呂智偉咁講野囉…

…………

還記得89年，我是中六生。A level修的是Government and Public Admin. 和經濟。那時候，慶幸中大暫取了，選的就是政政系。因為暫取了，就是等入U，所以老實不客氣的算是半個活躍的活動搞手。

89年的5月看著新聞，之後就好像和幾個其他中學一向有搞活動的朋友籐lung瓜，瓜lung籐的組織了一個頗疏鬆的甚麼「中學生關注民運的…」甚麼甚麼的組織…名字也忘了…

還記得大遊行時和好友一起由學校要帶那一對大banner到遊行集合的維園地點。還記得我和女同學兩個小女子，帶上那兩條竹桿和布幕，到了不知金鐘還是灣仔就要出地鐵了…我們兩人在皇后大道東負著重擔龜行著…

這時候，有一個貨車司機經過，見到我地兩個，就問我地係咪去遊行。之後佢就話佢因為緊要事要開工，去唔到，不過見我地兩個咁樣，都要支持下，就車我地去近D維園的地方放低我地囉，重叫我地幫佢行埋佢的一份！

厘個episode我到依家都記得！可以好反映當時香港市民的熱血囉…每人都用佢唔同的方法去支持一個理想。

還有…

還記得這個遊行後，老師們有學校禮堂搞了個集會討論有關是次民運。我還記得老師叫我地幾個同學分享搞這個中學生活動感受。

我記得我地有講到我地點不辭勞苦的背住D重重的banner去遊行…那時候的一位老師給了我們一個當頭捧喝！

佢話，當和上面的天安門的學生相比，你們付出的實在不藉一提！

那時候，其實對她的comment覺得有點不忿…又係你問我…

不過到了六四鎮壓的一晚，我們都無言了…

老師教的真沒錯…

我們做的實在太少了…通通都不藉一曬…

………

所以當在上星期城市論壇聽到那個呂PK所說的，話香港人民為六四的包伏付出了沉重的代價，我真的從椅上跳起來要問佢：「我地真係有付出過嗎？？」

對不起，真的不能忘記！！

………

媽媽那天和我一起睇城市論壇…佢一向比我mild一D…無咁激動…

不過之後佢話…

不能接受那些年青人的說法…

她認為，讀書的事候，supposedly是最有理想最熱血的…如果唔係讀聖賢之書做乜？

如果細細個就同意以經濟理益黎justify六四鎮壓，大個就一定係豬狗不如的人囉…

所以，還是那一句…

對不起，真的不能忘記！！