我超愛古天樂的…那是我心中perfect的帥樣…哈哈哈…
不過，佢厘個普通話廣告真係超爆笑…
他的語音…點解有D似泰文添呢？？
我想…我家的相公…最似古天樂的…就是…大家的普通話…Wakakakaka
8964
Friday, June 19, 2009
Monday, June 15, 2009
無知、歧視和自私
我唔係梅窩居民，所以如果一定要梅窩居民接受一間戒毒學校在佢地的社區就好易俾人話「你自己唔洗住係佢側邊就梗係風涼啦！」
不過老實講，睇番厘幾日新聞，除左可以話政府咨詢不足外，那班土民的嘴臉又真係好乞人憎…
甚麼的左一句「吸毒仔」，右一句「吸毒妹」…人地改過緊喎…厘班土民有無品嫁…
當正生師生進入會場之際，又有土民在場內高呼：「唔要吸毒仔、吸毒女！」…唉…你有乜訴求，有乜大條道理都好，咁樣出言侮辱班學生，試問叫旁人點幫得你地落？
人地講野又打斷人，跟本就唔想溝通…我懷疑佢地唔知乜野叫溝通，因為佢地其實真係可能唔明人地做緊乜…
上次聽到那些土民話「我地梅窩無乜人吸毒！」已經覺得好搞笑…厘D土民都真係好鬼駝鳥囉…當band 1的學校都有人濫藥的話，你唔好同我講，以為得天水圍有人濫藥、吸毒掛…衰D講句，睇下幾時到你個仔女索K…
老實講，我都唔覺南約區中學舊址係一個perfect spot，不過那班土民reject人地的point又唔係好valid囉…
話佢哋需要嘅係一間正規的學校，哪，個地址依家荒廢咗，都係因為收生不足，咁點解D學生要出去先…學生都'捨近取遠'返港島出路較好嘅學樣啦！外國學生則返國際學校，咁邊有demand嫁…依家有人爭就會有demand的嗎？？
至於有人話樓價會跌喎…大佬，你係梅窩村屋，你估無左正生，梅窩就會變做何文田、中半山咩…
Anyway，其實唔理佢地唔鍾意正生任何的理由都好，其實我都覺得佢可以有佢地的意見，反正最切身影響到的就係佢地…
之但係…
去到出言侮辱人地就真「不該」了！又係那一句啦…唔理你幾有point，咁無品，點幫得佢地落？？
Sunday, June 14, 2009
日劇《Mr. Brain 》
好明顯係有「考試後抑郁症」，所以要兩套劇parallel咁煲…
Mr Brain簡介：
九十九龍介（木村拓哉）隸屬於科學警察研究所的研究員，雖然有優異的頭腦
個性怪異的他只會對有趣的事情產生興趣，完全不懂得也不去理會怎樣與別人相處
同屬腦科的由里和音（綾瀨遙）與警視廳搜查一課的田林虎之助（水嶋宏）
將會在他的擺弄（？）下破解各種困難神秘的案件
本季度最受注目日劇《Mr. Brain》正式播放，由近乎是收視保証的木村拓哉擔綱演出，伙拍人氣偶像綾瀨はるか主演。所以點都會係煲劇之選…
不過睇落去又唔覺好過《Boss》好多，所以先可以Parallel咁煲…反正《Mr Brain》還在播影中，一星期先得一集…
《Mr Brain》的好處是比較輕鬆，腦科的冷知識好得意…
例如：接龍遊戲是可以減壓、消除大腦疲勞和刺激語言區…又或杏仁體reflect到愛的感覺等，都好有趣…
所以，厘套劇都OK啦！
2009春季日劇 《BOSS》
考完試，比較得閒，想無所事事，睇電視嗎？電視又唔好睇…那個「低D精英」…真係好鬼悶…竟可以集合了幾個唔鍾意睇的人…都算係勁喇…
J2厘排又普普通通…
《花樣男子韓版》…套套通通…得閒無野做可以睇下，不過無追看性…
《不良笑花》？頂唔順喎…睇見厘個可愛教主就想死…
《Last Friends》又一早睇過了…
所以都係煲下D較新的日劇囉…
厘套《Boss》幾好睇喎，上季的收視都唔錯。
簡介：
為了打擊愈更嚴重的罪行，警方成立特別對策行動組，由美國實習回來的女主角（天海祐希）領軍
雖然她對犯人心理有透徹的理解，卻完全不懂男人心理，除了面對複雜難解的案件
還要照顧幾個能力優秀但個性古怪的部下
不過劇本是林宏司，《救命病棟24小時》、《醫龍》、《CODE BLUE》也出自他手筆
套劇有天海祐希用好多犯罪心理學黎查案，所以都幾interesting…
其中又有我的最愛竹野内豐。佢做一個喜歡泡妞和和搞聯誼的警官，都幾好笑…竹野內豐那種自信又不失幽默的演釋方式就好好睇囉…假以時日可能可以好似George Clooney…
另外又有新近的玉山鉄二，都算係咁喇…
至於偵探戲通常都唔太差，所以都好睇得過…
Thursday, June 11, 2009
北極…企鵝…民賤聯真係講乜都得！
民賤聯又多左個「北極企鵝論」了…
真爆笑…
訓著都會笑醒…
北極只有北極熊啊…
…………………
網民嘲諷民建聯 成功爭取北極有企鵝
(明報)2009年6月10日 星期三 05:05
【明報專訊】上年民建聯 陳克勤一句「try our breast」令佢一夜成名，噚日民建聯副主席張國鈞又「揚威」網上。本身係律師嘅張 國鈞，噚日喺港台 節目《左右紅藍綠》上，講咗一句「一直以來，北極 都係一個非常寧靜，人少企鵝多嘅地方」，有網民即時將段片上載YouTube 同大家分享，改咗個標題係「民建聯成功爭取北極有企鵝」，認真搞笑。
港台節目「爆肚」出錯
其實好多人都知道，企鵝只喺南極出現，但係張國鈞就話北極係企鵝多嘅地方，Emily 打電話畀張國鈞了解事件，佢都知自己講錯，但解釋話佢原本想講環保議題，希望由北極帶 起，自己臨時「爆肚」，隨口噏幾句介紹北極，點知衰咗。
網民揶揄搞「北極企鵝觀賞團」
條片出街發，網民反應迅速，好快Facebook已經有個新group﹕「青年民建聯 主席張國鈞話北極有好多企鵝 ! 促請民建聯舉辦『北極企鵝觀賞團』由佢擔任團長 陳克勤帶領搓企鵝胸！」
港台都算好幫忙，Emily噚晚再上港台網站重溫片段時，「企鵝多」嘅字幕已被刪走， 張國鈞講嘅時候，呢3個字就無咗聲，但係明明佢個嘴郁郁吓，但就無聲幾秒，都幾突兀。 雖然張國鈞講錯嘢，但都好有阿Q精神，佢同Emily講，過往呢類節目都無乜人留意， 如果今次失誤可以令人留意到環境保護，咁都算因禍得福。短片網址：http://ww w.youtube.com/watch?v=6AbxOF62nd8
真正的「金玉其外」…
朋友買的蘋果…
個外皮好靚，完全無問題的…
點知咬開，裡面爛晒嫁…真勁！
厘D係咪就叫「金玉其外」呢？？
我想說的是…
如果只為經濟利益就忘記一D重要的價值觀…
個世界就會好似厘個靚蘋果咁…
外面一切都好似好好…但咬開裡面就腐爛晒囉…
………
大家共勉之…
Subscribe to:
Posts (Atom)